கண்ணதாசனும் மதுவும்...

மது அருந்தும் கலாச்சாரம் பற்றிய சிறு விவாதத்தில் ஒரு நண்பர் கண்ணதாசனின் "அர்த்தமுள்ள இந்துமதம்" புத்தகத்தில் எழுதியுள்ளதை படிக்கசொன்னார். முதலிலேயே படித்து இருந்தாலும் மறுபடி தேடி படித்தேன்... படித்ததில் இருந்து சில வார்த்தைகள்...

"எனக்கு இருபது ஆண்டுகளாக மதுப்பழக்கம் உண்டு - நான் தார்மீக ஒழுக்க கேட்டுக்கு வக்காலத்து வாங்கவில்லை. ஆனால் சட்டத்தினால் மதுவை ஒழிக்க முடியாது என கருதுகிறேன்.. சட்டம் போட்டு ஒன்றை மறைக்க மறைக்க அது பற்றிய ஆசைகள் கிளர்ந்து கொண்டு இருக்கும். ஆகவே தான் மதுப்பழக்கம், பெண் உறவு ஆகிய இரண்டையும் சட்டத்தின் மூலம் ஒழிக்க முடியாது என வாதிடுகிறேன். அடுத்தவனுக்கு தீமை பயக்ககூடிய சமுதாய ஒழுக்க கேட்டைமட்டுமே சட்டம் தடுக்க முடியும். தனிமனித ஒழுக்கத்துக்கு அது உத்திரவாதம் தேட முடியாது..."

சத்தியமான வார்த்தைகள்.. அனுபவஸ்தர் பேசுகிறார்... கண்ணதாசனின் பாடல்களை போலவே சில எழுத்துகளும் அற்புதமானவை...